បើសិនជាអ្នកជ្រុលជាចំណាយពេលរហូតទៅដល់៦
ទៅ១០ម៉ោងក្នុងការធ្វើដំណើរទៅកាន់បណ្តាខេត្តឆ្ងាយៗ
ឬតំបន់ទេសចរណ៍នៅបរទេសនោះ LIFT
សូមផ្តល់យោបល់នូវទីកន្លែងទេសចរណ៍ធម្មជាតិមួយដែលអ្នកពុំសូវដែលធ្លាប់ស្គាល់នោះគឺ
«ទឹកជ្រោះព្រះនិម្មិត»។ ទឹកជ្រោះព្រះនិម្មិត
នេះមានទីតាំងស្ថិតនៅក្នុងភូមិកំពង់ស្រឡៅ ស្រុកឆែប
ខេត្តព្រះវិហារ។
បើគិតអំពីចម្ងាយផ្លូវធ្វើដំណើរពីរាជធានីភ្នំពេញទៅដល់តំបន់ទឹកជ្រោះមួយនេះលោកអ្នកប្រហែលជាត្រូវចំណាយពេលប្រមាណជា៨ម៉ោង។ អ្នកទេសចរតម្រូវឲ្យធ្វើដំណើរដោយស្រឡាងឆ្លងកាត់ពីក្រុងស្ទឹងត្រែង ព្រោះថាស្ពានដែលតភ្ជាប់ពីទីក្រុងស្ទឹងត្រែងទៅកាន់តំបន់ទេសចរណ៍ ទឹកជ្រោះនេះកំពុងតែសាងសង់នៅឡើយ។
បន្ទាប់ពីឆ្លងកាត់ស្រឡាងរួចហើយ អ្នកត្រូវបន្តទៅតាមស្រុកថាឡាបរិវ៉ាត់ខេត្តស្ទឹងត្រែង ដែលមានសភាពល្អប្រសើរជាងការធ្វើដំណើរផ្ទាល់ពីខេត្តព្រះវិហារទៅកាន់តំបន់ទឹកជ្រោះព្រះនិមិ្មតតែម្ដងព្រោះថាផ្លូវនោះកំពុងតែត្រូវបានសាងសង់ និងជួសជុល។
នៅតាមបណ្តោយផ្លូវទៅកាន់រមណីយដ្ឋានដើមរុក្ខជាតិតូចធំត្រឈឹងត្រឈៃឈរអមពាសពេញព្រៃ។ សំឡេងសត្វយំ រងំជាមួយនឹងសម្រស់ព្រៃឈើពណ៌បៃតង កាន់តែជំរុញទឹកចិត្តអ្នកទេសចរឲ្យកញ្ជ្រោលចង់ឃើញច្បាស់នូវរមណីយដ្ឋានទឹកជ្រោះព្រះនិមិ្មតនេះ។
ខណៈពេលរថយន្តបរកាន់តែជិតដល់អ្នកអាចស្តាប់ឮសូរសំឡេងទឹកជ្រោះហូររហឹមក្បែរត្រចៀកអ្នករហូតដល់ពួកគេបានឃើញផ្ទាល់នូវសម្រស់ទាំងមូលនៃតំបន់ទេសចរណ៍មួយកន្លែងនេះ។
កញ្ញា អៀ បូនាថ អាយុ២០ឆ្នាំ ជានិស្សិតផ្នែកគ្រប់គ្រងទេសចរណ៍ ដែលធ្លាប់បានទៅទស្សនាទឹកជ្រោះព្រះនិម្មិតបានឲ្យដឹងថា៖ «ទឹកជ្រោះហូរធ្លាក់មកលើផ្ទាំងថ្ម បានប្រគំជាសំឡេងស្រិចៗឥតដាច់ ហាក់បីដូចជាសំឡេងភ្លេងតន្ត្រីធម្មជាតិកំពុងប្រគំលេងលួងចិត្តអ្នកទេសចរដែលខំស្កាត់ពីចម្ងាយមកលេងដូច្នោះដែរ»។
កញ្ញាបានបន្តថាថ្វីដ្បិតតែទឹកជ្រោះនៅទីនោះពុំអាចមុជ ឬលេងបានយ៉ាងណាក៏ដោយប៉ុន្តែគ្រាន់តែបានឈរលើផ្ទាំងថ្មស្រូបយកខ្យល់អាកាស គយគន់ និងផ្តិតយករូបភាពនៃសម្រស់ទឹកជ្រោះដ៏ថ្លាឈ្វេង ដែលហូរធ្លាក់ចុះពីផ្ទាំងថ្មនោះ ក៏ធ្វើឲ្យកញ្ញាមានអារម្មណ៍ថាធូរស្បើយ និងស្រស់ថ្លាទៅហើយ។
នៅតំបន់ទឹកជ្រោះព្រះនិម្មិតពុំទាន់មានទីកន្លែងសម្រាប់សំណាក់ ឬភោជនីយដ្ឋានទំនើបៗដូចបណ្តារមណីយដ្ឋានធម្មជាតិផ្សេងៗក៏ពិតមែន ប៉ុន្តែនៅទីនោះមានកន្លែងបម្រើរអាហារ និងបន្ទប់ទឹកសម្រាប់ភ្ញៀវទេសចរ។ ក្រៅពីទឹកជ្រោះដ៏ត្រជាក់ស្រិបលោកអ្នកក៏អាចធ្វើដំណើរតាមរថយន្ដពីតំបន់ទឹកជ្រោះនេះទៅទស្សនាសត្វត្រីផ្សោតមេគង្គដែលស្ថិតនៅក្បែរនោះផងដែរ។
បើអ្នកចង់កម្សាន្តសប្បាយក្នុងថ្ងៃឈប់សម្រាកប្រចាំឆ្នាំជាមួយនឹងក្រុមគ្រួសារនៅតំបន់ទេសចរណ៍ធម្មជាតិពិតៗអ្នកគួរតែសាកល្បងទៅលេងនៅទឹកជ្រោះព្រះនិម្មិតប៉ុន្ដែសូមគោរពច្បាប់ចរាចរណ៍ក្នុងពេលធ្វើដំណើរ និងយោគយល់អធ្យាស្រ័យគ្នាដើម្បីសុវត្ថិភាពទាំងអស់គ្នា៕
បើគិតអំពីចម្ងាយផ្លូវធ្វើដំណើរពីរាជធានីភ្នំពេញទៅដល់តំបន់ទឹកជ្រោះមួយនេះលោកអ្នកប្រហែលជាត្រូវចំណាយពេលប្រមាណជា៨ម៉ោង។ អ្នកទេសចរតម្រូវឲ្យធ្វើដំណើរដោយស្រឡាងឆ្លងកាត់ពីក្រុងស្ទឹងត្រែង ព្រោះថាស្ពានដែលតភ្ជាប់ពីទីក្រុងស្ទឹងត្រែងទៅកាន់តំបន់ទេសចរណ៍ ទឹកជ្រោះនេះកំពុងតែសាងសង់នៅឡើយ។
បន្ទាប់ពីឆ្លងកាត់ស្រឡាងរួចហើយ អ្នកត្រូវបន្តទៅតាមស្រុកថាឡាបរិវ៉ាត់ខេត្តស្ទឹងត្រែង ដែលមានសភាពល្អប្រសើរជាងការធ្វើដំណើរផ្ទាល់ពីខេត្តព្រះវិហារទៅកាន់តំបន់ទឹកជ្រោះព្រះនិមិ្មតតែម្ដងព្រោះថាផ្លូវនោះកំពុងតែត្រូវបានសាងសង់ និងជួសជុល។
នៅតាមបណ្តោយផ្លូវទៅកាន់រមណីយដ្ឋានដើមរុក្ខជាតិតូចធំត្រឈឹងត្រឈៃឈរអមពាសពេញព្រៃ។ សំឡេងសត្វយំ រងំជាមួយនឹងសម្រស់ព្រៃឈើពណ៌បៃតង កាន់តែជំរុញទឹកចិត្តអ្នកទេសចរឲ្យកញ្ជ្រោលចង់ឃើញច្បាស់នូវរមណីយដ្ឋានទឹកជ្រោះព្រះនិមិ្មតនេះ។
ខណៈពេលរថយន្តបរកាន់តែជិតដល់អ្នកអាចស្តាប់ឮសូរសំឡេងទឹកជ្រោះហូររហឹមក្បែរត្រចៀកអ្នករហូតដល់ពួកគេបានឃើញផ្ទាល់នូវសម្រស់ទាំងមូលនៃតំបន់ទេសចរណ៍មួយកន្លែងនេះ។
កញ្ញា អៀ បូនាថ អាយុ២០ឆ្នាំ ជានិស្សិតផ្នែកគ្រប់គ្រងទេសចរណ៍ ដែលធ្លាប់បានទៅទស្សនាទឹកជ្រោះព្រះនិម្មិតបានឲ្យដឹងថា៖ «ទឹកជ្រោះហូរធ្លាក់មកលើផ្ទាំងថ្ម បានប្រគំជាសំឡេងស្រិចៗឥតដាច់ ហាក់បីដូចជាសំឡេងភ្លេងតន្ត្រីធម្មជាតិកំពុងប្រគំលេងលួងចិត្តអ្នកទេសចរដែលខំស្កាត់ពីចម្ងាយមកលេងដូច្នោះដែរ»។
កញ្ញាបានបន្តថាថ្វីដ្បិតតែទឹកជ្រោះនៅទីនោះពុំអាចមុជ ឬលេងបានយ៉ាងណាក៏ដោយប៉ុន្តែគ្រាន់តែបានឈរលើផ្ទាំងថ្មស្រូបយកខ្យល់អាកាស គយគន់ និងផ្តិតយករូបភាពនៃសម្រស់ទឹកជ្រោះដ៏ថ្លាឈ្វេង ដែលហូរធ្លាក់ចុះពីផ្ទាំងថ្មនោះ ក៏ធ្វើឲ្យកញ្ញាមានអារម្មណ៍ថាធូរស្បើយ និងស្រស់ថ្លាទៅហើយ។
នៅតំបន់ទឹកជ្រោះព្រះនិម្មិតពុំទាន់មានទីកន្លែងសម្រាប់សំណាក់ ឬភោជនីយដ្ឋានទំនើបៗដូចបណ្តារមណីយដ្ឋានធម្មជាតិផ្សេងៗក៏ពិតមែន ប៉ុន្តែនៅទីនោះមានកន្លែងបម្រើរអាហារ និងបន្ទប់ទឹកសម្រាប់ភ្ញៀវទេសចរ។ ក្រៅពីទឹកជ្រោះដ៏ត្រជាក់ស្រិបលោកអ្នកក៏អាចធ្វើដំណើរតាមរថយន្ដពីតំបន់ទឹកជ្រោះនេះទៅទស្សនាសត្វត្រីផ្សោតមេគង្គដែលស្ថិតនៅក្បែរនោះផងដែរ។
បើអ្នកចង់កម្សាន្តសប្បាយក្នុងថ្ងៃឈប់សម្រាកប្រចាំឆ្នាំជាមួយនឹងក្រុមគ្រួសារនៅតំបន់ទេសចរណ៍ធម្មជាតិពិតៗអ្នកគួរតែសាកល្បងទៅលេងនៅទឹកជ្រោះព្រះនិម្មិតប៉ុន្ដែសូមគោរពច្បាប់ចរាចរណ៍ក្នុងពេលធ្វើដំណើរ និងយោគយល់អធ្យាស្រ័យគ្នាដើម្បីសុវត្ថិភាពទាំងអស់គ្នា៕
No comments:
Post a Comment